Góðu skótar,
Leygardagin 26. novembur verður Jólakappingin 2022 fyri skótarnir, men hvat er tað fyri nakað?
Jólakappingin er ein kapping í millum patrúljurnar í skótaliðinum. Skótarnir møta í skótahúsinum kl. 10:00, og tá fáa teir at vita hvørjar uppgávur skulu loysast í kappingini. Uppgávurnar kunnu verða sera ymiskar, og snúgva seg um alt í millum himmal og jørð. Tá ið skótarnir hava fingið at vita hvørjar uppgávurnar eru, so fara patrúljurnar í holt við at loysa uppgávurnar. Tann einasti regulin í kappingini er at tað ikki er loyvi at verða inni í skótahúsinum meðan kappingin er í gongd.
Klokkan 17:00 endar kappingin og tá skulu patrúljurnar møta í skótahúsinum og lata loysnirnar inn til leiðarnar.
Vit vóna at síggja allar skótarnir í skótahúsinum leygarmorgunin 26. novembur kl. 10:00.
Tiltakið er ókeypis og tað er ikki neyðugt at tekna seg.
Við skótakvøðu,
Sóley og Helma Maria
