Limagjald

Skótabólkurin Leirvíks Páll er partur av KFUM skótunum í Føroyum. Allir limir hjá KFUM skótunum brúka somu limaskipan, og tí skulu okkara limir innlimast á www.skoti.fo.

Øll, ið eru virkin í bólkinum skulu innlimast. Onnur, ið ynskja at stuðla arbeiðinum eru eisini hjartaliga vælkomin at innlima seg.

Limaskipanin er gjørd soleiðis at limirnir hanga í skipanini ár um ár. Tó so fær man eina fráboðan áðrenn limagjaldið verður trekt hvørt ár, og hevur tá møguleikan at lima seg úr skótunum. Um gjaldskortið gert óvirkið, t.d. gongur út ella verður sperra, er neyðugt at innlima seg av nýggjum.

Limagjaldið er 350 kr árliga. Um tað er onkur, ið hevur tað trupult fíggjarliga, so gjalda vit limagjaldið. Limatalið hjá bólkinum er avgerandi viðv. fíggjarligum stuðli og atkvøðurætti í landsarbeiðinum, og tí hevur tað stóran týdning at fáa øll innlimaði. Vendi tykkum til Helmu Mariu Tróndheim á tlfnr. 593056 viðvíkjandi hesum, ella um tit hava aðrar møguligar spurningar.

  1. Far inn á www.skoti.fo
  2. Trýst á “Nýggjur limur? Stovna nýggjan brúkara her” undir flaggmyndini
    • Tú kanst velja at gera brúkara við facebook brúkara, men brúkarin tú gert skal samsvara við limin, t.v.s. foreldur kunnu ikki nýta sín facebook brúkara fyri at innlima børnini.
    • Um tú ikki nýtir facebook brúkarin, so skalt tú fylla alt út.
      • Kommuna skal verða “Non-danish”
    • Tú verður spurd/ur um vit kunnu leggja myndir út av liminum og hvat fyri slag av myndum. Um tú ivast hvat er hvat, so er ein frágreiðing niðanfyri.
  3. Tá ið brúkarin er gjørdur skal man velja “Liðtilmelding”.
    • Minnist til at velja Skótabólkurin Leirvíks Páll tá ið tit skulu velja bólk.
  4. Tað er møguligt at leggja familjulimir afturat brúkarinum, so at man bert hevur eina innritan.
    • Um tú hevur fleiri familjulimir inni á brúkarinum mást tú minnast til at skifta til rætta familjulimin ovast í høgra hornið, tá ið tú skalt innlima viðkomandi. Navnið hjá viðkomandi skal standa ovast í høgra hornið.

Fyrra videobrotið vísir alla gongdina frá tú gert tær ein brúkara til tú hevur goldið. Seinna brotið vísir hvussu tú gert um tú longu hevur stovnað brúkara, men ikki hevur goldið. Upptøkurnar eru gjørdar á telefon, men mannagongdin er tann sama á teldu sum á telefon.

Ger brúkara og rinda

Rinda við brúkara, ið longu er gjørdur

Tá ið tú gert tær ein brúkara í limaskipanini verður tú spurd/ur um hvat slag av myndum av tær kunnu deilast. Tú kanst siga nei til portrætbillede og fokusbillede ella bara nei til portrætbillede. Niðanfyri er ein stutt lýsing av ymsu sløgunum av myndum.

Portrætbillede

Eitt “portrætbillede” er ein mynd, har limurin, týðiliga er høvuðsfokus í myndini. Hetta kann t.d. verða ein mynd av yngsta úlvanum, ið tendrar jólatræið.

Brandur Símunarson tendraði jólatræið við Gøtugjógv 2022.

Fokusbillede

Hetta slagið er myndum er tikið í støðum, har ein ella fleiri limir eru saman, men eisini eru í fokus í myndini. Hetta kann t.d. verða ein patrúljumynd.

Rovarir til legubál á Riddaravenjingini 2022.

Situationsbillede

“Situationsbilleder” er myndir, har ongin er í høvuðsfokus, men har myndin er tikin av eini støðu, ið persónarnir eru í. Hetta kann t.d. verða ein mynd av skótum til eitt legubál. Hetta slagið av myndum krevur ikki samtykki.

Úlvar til legubál við Leynavatn í 2018.