Limagjald

Vegleiðing:

1. Trýst her.
2. Vel: “Privatpersónur: Innrita við Samleikanum.”
3. Fyll “Innles tínar upplýsingar her” út.
   • GG: Hetta eru upplýsingar um limin, ikki tann, ið skrásetur. Um limurin er yngri enn 17 ár, skal fartelefon og teldupostur hjá einum av foreldrunum ella einum verja tó skrásetast.
4. Áset gjald við at velja “Leirvík (Skótabólkurin Leirvíks Páll)”.
   • Um tú brúkar telefon eru prikkarnir til gjøldini nakað forskotnir í mun til bólkanøvnini. Tú kanst leggja telefonini á liðina, ella opna leinki á eini teldu, um tú ynskir at síggja betri uppseting.
5. Set flugubein í ”Eg góðtaki, at mínar upplýsingar verða skrásettar í Fastgjald, at P-talið/V-talið verður brúkt til at tryggja kontuna, at sjálvvirkandi gjaldsavtala verður tilmeldað, og at gjaldingar verða avgreiddar við tí føstu upphædd og títtleika, ið eg havi valt omanfyri.”
6. Skráset sjálvvirkandi gjaldsavtalu við p-talið, peningastovni og kontonr.
   • Brúka p-talið hjá høvuðseigarinum av kontoini, annars fært tú feilmelding.
7. Trýst á ”Melda til”.

Kunning

Skótabólkurin Leirvíks Páll er partur av KFUM skótunum í Føroyum. Allir limir hjá KFUM skótunum brúka somu limaskipan, og tí skulu okkara limir innlimast á felags limaskipanini.

Øll, ið eru virkin í bólkinum skulu innlimast. Onnur, ið ynskja at stuðla arbeiðinum eru eisini hjartaliga vælkomin at innlima seg.

Limaskipanin er gjørd soleiðis at limirnir hanga í skipanini ár um ár við gjaldsavtalu gjøgnum Mínrokning. Tó so fær man ein teldupost áðrenn limagjaldið verður trekt hvørt ár, og hevur tá møguleikan at lima seg úr skótunum. Tað er eisini altíð møguligt at rita inn á www.minrokning.fo, strika gjaldsavtaluna og harvið strika limaskapin. Vit kunnu eisini skráseta tykkum og so fáa tit rokning sendandi við telduposti, men vit ynskja at fáa øll gjøgnum sjálvvirkandi skipanina.

Limagjaldið er 350 kr árliga. Um tað er onkur, ið hevur tað trupult fíggjarliga, so gjalda vit limagjaldið. Limatalið hjá bólkinum er avgerandi viðv. rakstrarstuðli og atkvøðurætti í landsarbeiðinum, og tí hevur tað stóran týdning at fáa øll innlimaði.

Vendi tykkum til Helmu Mariu Tróndheim á tlfnr. 593056 um tit hava spurningar ella skulu skrásetast til at fáa rokning.