Skótahúsið

Skótarnir í Leirvík halda til í skótahúsinum, ið stendur á Toftanesi 18.

Í húsinum er ein lítil køkur, eitt rúmligt baðirúm, eitt lítið ves, fýra patrúljurúm, ein salur, eitt goymslurúm, eitt leiðararúm og uttanfyri eru bálpláss. Stutt er til kirkjuna, handil og oman til sjóvarmálan. Skótarnir eiga eisini raftir, ið liggja uttanfyri húsini, og nakrar kanoir tætt við.

Tað er ókeypis hjá øllum skótum at læna húsið til skótavirksemi.

Onnur kunnu leiga húsið eftir avtalu.

Skótahúsið í Leirvík er vígt, og hetta skal virðast.